نقطع البطاطا مكعبات ونقليها ونقطع صدر الدجاج مكعبات ونضيف له فلفل اسود وملح وتوابل الدجاج وشوية كمون ونخلطهم مع بعض ونقليهم مشي حتى يتحمرو المهم حتى ينشف الصدر من هذاك الماء لي يطلقو

ثم نحضر سنيوة على حساب لي موجودة عندك لا يهم الشكل نحط البطاطا بعدما قليناها اكيد ونزيد صدر الدجاج ونحط فرماج تاع مربعات لي يستعملوه في هومبروغر يعطينا واحد البنة ولا اروع ونزيد نحط بطاطا لي بقاتلي ونرشها بالفرماج مبشور ونقطع موتزاريلا ونحطها كذالك ونفرغ عليهم كرام فراش

ونديرهم فالفرن لمدة 20دقيقةحتى25دقيقة حتى يذوب الفرماج ومن بعد نقدمهم وشهية طيبة جربوها وماراحش تندمو