في قدر ندير الدجاج و رطل بصل مسكرفج و نصف رطل طماطم توابل والملح والزيت وطماطم مصبرة ونقليهم جدا جدا ثم نمرق بماء ساخن و ندير نفس العملية مع اللحم كي يطيب نصفيهم من الدوزين ونخلط المرق مع بعض ونحي الدجاج نحمرو في الزبدة و نحي كذلك اللحم نرجع المرق فوق النار ونضيف له شويا حبة حلاوة والقرفة والحار وحمص طايب كي تعقد نطفي عليها

نفور أوراق الشخشوخة والزبيب و نفور البطاطا و نحمرها في مقلاة بالزبدة في صحن ندير المرق ثم أوراق الشخشوخة مقطعة و نديرو المرق كذلك ثم نزين بالحمص واللحم والدجاج والبطاطا والبيض وكذلك الفرماج و الزبيب وڨرن حار شهية طيبة