نعمل خميرة مع الماء تتفاعل وسكر من بعد ما تتفاعل نزيد فرينة والملح تدريجيا حتي تلتم العجينة تكون طرية لكن متتلاصقش نخليها تختمر من بعد ما تختمر نقسمه الى كرات الحجم لي حبيتي انا قسمتهم الى تسعة كرات متساوية

نحلهم رقاق بالحلال على شكل دائري والطاجين ثقيل يكون يسخن نخليهم يرتاحو عشرة دقائق الى ربع ساعة ونبدا نطيب فيهم لازم النار تكون قوية والطاجين او المقلاة تكون سخونة سخونة جيدا نحطهم في المقلاة ومباشرة نقلبهم ونقعد نقلبهم بلا ما نتقبهم او نقطعهم حتى ينتفخو ونحيهم