نقيت البطاطا والشفلور قطعتهم وحطيتهم في كسكاس يفورو مع ورقات الرند ورشة ملح، كي طابو فرغتهم في إناء ومرستهم بهاذ الأداة كما يمكن إستعمال الفرشيطة المهم نمرسوهم مليح

نخلي هاد الخليط يبرد شوية ونضيف عليه التوابل والبصل المقطع والشابلور والثوم غبرة والملح وصفار حبة بيض نخلط الكل جيدا حتى تنسجم المكونات ندخل الخليط للثلاجة مدة 10 د
ملاحظة: استعملت الصفار في الخليط أما البياض رمدت بيه المعقودة.

في طبسي نحط كمية من الفرينة متبلة وفي طبسى آخر نحط بياض البيض وفي طبسي آخر نحط شابلور حتى هو متبل بشوية فلفل أسود ورشة ملح والقليل من الثوم غبرة، ندير كريات من خليط البطاطا والشفلور نرمدو في الأول في الفرينة ثم يباض البيض ثم الشابلور
ملاحظة: الفرينة نتبلها بالملح والفلفل الأسود والفلفل الأحمر والقليل من الكركم والقليل من الكمون.

نقوم بنفس العملية حتى نكمل كل الخليط نحطو في صينية وندخلها للثلاجة الوقت اللي نقّي فيه سطح العمل تقريبا 15 د.
ملاحظة: بياض حبة بيض دارلي نصف الكمية فقط، باقي الكمية رمدتو في الشابلور وحدو ومع ذلك ما تحليش عند القلي.

في مقلاة نحط شوية زيت نخليها تسخن ومن بعد نقص عليها شوية ونبدا نقلي، اللي نقليها نحطها فوق ورق ماص بنفس الطريقة حتى نكمل كل الكمية.

وتقدم بألف صحة وهنا.