نحطو الفواكه المجففة تاعنا فلماء من جهة نحط كيلة سكر ونفس الكيلة تاعها تاع الماء ونخلي السكر يذوب فلماء ونبقى نخلط فيه دايما حتى يذوب السكر

من جهة أخرى نحطو قدرة فوق النار تذوب نحط قطع اللحم لي عندي نخليهم يتقلاو شوي ونزيد عليهم حبة بصل لي كنت رابيتها يتقلاو شوي ونضيف عليهم رشة ملح صغيييرة مع رشة صغيييرة فلفل أسود وملعة صغيرة قرفة وعود قرفة ونمرقو بكاس ماء نخليهم يطيبو

كي تغلي القدرة تاعنا نضيفو الفواكه المجففة تاعنا ونفرغو مزيج السكر والماء عليه ونخليهم يطيبو بعقلهم

كي نشوفوه عقاد عندنا وتغير لونو للبني ولا الذهبي نطفي عليه ونضيفو المكسرات لي عندنا والجلجلان اذا بغيتي ونضيفو زوج مغارف ماء الزهر ولا حسب الرغبة يقدم بارد والتزيين اختياري طبعا تقدري تضيفي الفواكه لي حبيتيهم كما الاناناس والكيوي

تقدري تزيني بكرام ديسار وشباح الصفرة يبقى كل هذا اختياري وشهية طيبة والحمد لله دائما وأبدا ♥️