في وعاء نضع المارغرين والسكر و قرصة الملح ونخلط جيداً حتى تمتزج المكونات ثم نضيف صفار البيض ومبشور الليمون والكاوكاو ونخلطو ثم نضيف 3 كيسان فرينة وخمارة ضربة وحدة ونلم العجينة ومنعجنوهاش والكاس 4 نضيفه بالتدريج حتى تتكون عجينة طرية بزاف بزاف مهم جداً طرية لدرجة تتلصق في اليد هذه الخطوة مهمة ولازم أطبقوها وهذي هي سر طراوة وخفة المشوك ديالي

بعد ذلك نشكل كريات حجم 26 غ ونغطسوها في بياض البيض لي نضيفولو قطرات من مركز الليمون او فانيلا ثم في الكاوكاو محمص ومطحون خشين او نفس الحشو لي أستعملتوه

ملاحظة: نواة كوكو منحمصوهاش نحطها في كيسات ورقية النوع لي ميتحرقش كيما راهو موضح في الصورة وندير لها ثقب في منتصف كل حبة بواسطة قلم باه كي نعسلوها تتعسل حتى للقلب وندخلوها الطيب على درجة 180د و المدة حسب كل فرن راح تتشقق فالفرن متخافوهاش هي أجي بهذه الطريقة راح يمدلها شكل بزاف شباب وكي أطيب نعسلوها وهي سخونة من الفرن في عسل يكون بارد بحرارة الغرفة او نكونو سخناه من قبل ونضيفولو 2ملاعق ماء الزهر كل علبة صغيرة نضيفولها ملعقة والكمية هذه راح تاخدلكم 2 علي عسل صغار ونحط ملعقة كبيرة عسل في كل حبة