🔹️في اناء نحط (البيض، الفلون، الزيت، العسل،الملح، الفاني) و نخلط مليح ♻️ من بعد نضيف النشاء و ندخل مليييييح من بعد نضيف الزبدة تكون بحرارة المطبخ مش جايبتها من الثلاجة🥶 بش تتجانس فالخليط بسهولة، و نكمل نخلط بسرعة حتى نتحصل على قوام سائل متجانس💯، و هنا نبدا نضيف الفرينة، فالبداية نحط كاس و كيس الخميرة و ندخلهم من بعد نكمل نضيف الفرينة حتى نتحصل على عجينة طرية بزاااااف بزاف💯

🔸️مبااااشرة نجيب السيليكون اللي رح نستعملو و هنا نعمر وحدة فيه، من بعد نحيها منو و نكورها بيدي🔴 بش نعرف بالتقريب حجم العجينة اللي تلزمني للوحدة، و إذا عندك الميزان خير و خير وهنا نكور كاااامل العجينة اللي عندي، هكدا نربح الوقت⏳ مش مرة ننقص➖ و مرة نزيد➕ و نعمر القوالب و ندير حسابي رح تخمرلي شوية فالفرن على هذي كي نعمر القوالب نخلي 2مم من الارتفاع

🔹️للطهي نستعمل ورق الزبدة، في البلاطو و الا ندهنو بالزيت و نحط طوابع السيليكون تطيب في الفرن يكون سااااخن🔥🔥 (و هنا السيليكون نحطو مقلوب🙃 يعني العجينة اللي باينة و اللي هي ظهر الحلوى هي اللي تلامس البلاطو لانو مع حرارة الفرن العجينة تخمر شوية و هكذا ما تتعوجليش من تحت😏) نخليها تطيب وحد الربع ساعة⏰ من بعد نروح نشوفها لازم تكون خدات اللون الذهبي في الوجهين🏅

#التزيين قوفريط الشوكولا طحنتو بيدي و حطيتو فوق نار هاااادية ينشف من الشوكولا و يزيد يتقرمش واستعملت المعجون ضيفتلو ملعقة نيستلي ذوق كاراميل و خلطتهم مليح (يعطيني ذوق روووعة) ونذهن حبة الحلوى تاعي من الجوانب و من جوانب الفراغ اللي من فوق، (هنا مش لازم ندهن الحبة بالكامل)، من بعد نرمدها فالقوفريط المطحون

🔸️لما نكمل نرمد الحلوى كاملة نستعمل وش بقالي من الذهن نزيدلو المعجون ونسثلي بالتساوي ونعمر الفراغ اللي فالحلوى من فوق ولما نكمل نقدر نزينها بالشوكولا الذائبة نمرر خطوط عشوائية من فوق

#هاذ المقادير بالسيليكون اللي استعملت قطعتلي #48_حبة وشهيتكم_فالجنة 😋😋🥰