نحط البطاطا تغلي فوق النار بعدما نكونو غسلناها (البطاطا ديري لي تكفي كامل الاسرة تاعك) لما تغلي نحطها تبرد و نقشرها و نحطها في اناء نمرسها بالفرشيطة او لي تمرس البطاطا ونضيفلها مغرفة صغيرة كمون نصف مغرفة صغيرة زعفران نصف مغرفة صغيرة ملح قليل من القصبر والمعدنوس 2 سنات ثوم ونخلط حتى تدخل المكونات في بعضها... نشكل كريات كل كرية نحشيها بقليل من الجبن و نغلق عليها حتى نكمل كامل الكمية لي عندي..

نحط الكرات في طبسي و نجيب اناء و نحط فيه بيضة او بيضتين نحركم و نبدا نحط كل كرية في البيض ثم الفرينة ثم نرجعها للبيض ثم في الشابلور كامل الكرات نديرلهم نفس العمل.

ملاحظة : باه متنفتحلكش المعقودة في المقلة لازم تخلي الزيت يسخن مليييح ومتقلبيهاش حتى تحمر. ان شاء الله تعجبكم. شهية طيبة 😘😘😘