في وعاء غامق نحط البصل لي قطعتو قطع صغيرة وحبة الطماطم تاني قطعتها أطراف صغيرة مع الثوم مرحي والملح والتوابل والطماطم مصبرة ونخلط مليح نضيف الجنحين والبطاطا لي قطعتها دوائر وكذلك الكوسة نفس الشي ونخلط مليح نخليهم ساعة مغطيين.

كي تفوت ساعة نفرغ كلشي في مول الفرن ونقطع قطع صغيرة من الزبدة ونفرغ كمية من الزيت تقريبا كأس الا ربع زيت باش يخلي الصوص ثقيلة.الكمية لي تبقا في الوعاء نخلط معاها فنجال ماء ونفرغها فوق الخضر ونغطيهم بالألمنيوم وندخلهم يطيبو في الفرن لمدة ساعة من تحت ونحمرهم من فوق ونقدم الطبق.