بسم الله. أولا : نحكم 7 ملاعق كبيرة من غبرة الشانتي نطلعها بالحليب البارد جدا كي تطلع نرميلها 8 حبات فرماج مثلثات او كيري kiri اذا كان عندكم ونخلط بالباتور ثم نزيدلها 2 ملاعق كبيرة من شكولاته الطلي او ثلاثة حسب ذوقكم اكيد نخلط ثم ندخلها للثلاجة باش تشد روحها حوالي 15 دقيقة

نجيب كؤوس التقديم : ندير طبقة من تحت كريمة ثم نحكم بسكوي بودوار نشمخو في نسكافيه حلوة ثم ندير طبقة من الموز (مقطع دوائر واعصرولو عصرو ليمون باش ميكحالش) ثم نرش المكسرات فوق الموز ثم نغطيها كامل بالكريمة ثم نرش كاكاو بني عليها ونتركها تبرد جيداً ثم تقدم.... دعوة خير