في وعاء آخر نخلط صفار البيض مع الزيت و الحليب و الفرينة مغربلة مع لفاني و نخلط بالفوي حتى يمتزجو و نزيد عليهم البياض البيض لي طلعناه مع السكر و نخلط بلعقل على 3 دفعات و نفرغ الخليط في صينية 30 سنتيمتر على 28 مفرشة ورق الطهي و ندخلها طيب منخليهاش طيب بزاف بش جينا خفيفة و بنينة

بعد ما طيب نخليها تبرد و نقطعها بالسارسو ودائري أو الشكل لي تحبيه المهم ندير القاعدة و نشربها بالسيرو و ندير طبقة كرام شونتيي و نقطع الفواكه المتنوعة و نضع الطبقة تع الجينواز من فوق و نزيد نشربها و ندير طبقة كرام شونتيي و نزيد عليها الفواكه المتنوعة و نغلق بالطبقة الاخيرة الجينواز نشربها و نقلبها و نضغط شوي و نزيد طبقة أخيرا من الشونتيي و نسويها حتى تولي ملساء و ندخلها الثلاجة مدة 3 ساعات فما فوق كل ما تبرد كل تشد روحها جيك ساهلة باش تنهي المول عليها و باش تقطعيها

و التزيين إختياري أنا اخترت البنان و الكيوي و الكرز و التفاح و العنب شوي شوي من كلش و شهية طيبة ❤️