في إناء نحط الزبدة مع الفلون أنا ستعملت ذوق الفانيليا وملعقة من قشور ليمون ملعقة من فانيليا سائلة إختيارية بيضتين ونخلط المكونات جيدا حتى يتجانس الخليط نتاعي من بعد نحط ربع كوب من عصير الليمون و نصف كيس خميره الحلوى ونلم بالفرينة ونخليها مدة ربع ساعة فثلاجة من بعد نجبدها ونحلها على شكل حربوش كيما المقرود ونقسمها بالموس شكل مرقودات ونحطها فالفرن طيب نجبدها ونخليها تبرد شوية باش نقدر نتحكم فيها خاطر تتكسر بالخف نحاول نسايس الحبة نتاع القاطو

من بعد نجيب عصير حبة ليمون وفنجال ماء زهر نخلهم ونحط فيهم الحبة نتاعي ونخرجها ونحطها فسكر قلاصي ونخليها مدة ونعاود تخرجها ونتحصل على هاذ الشكل ولا أروع 🤤 والله بنين يقتل نتمنى تجربوه وبصحتكم