كوكا مورقة وبدون زبدة التوريق
الخطوات
- 1
نضع في إناء الماء والزيت والحليب بودرة ونخلطوهم جيدا
- 2
نضيف السكر والملح وخميرة الحلوى ونبداو نلمو بالفرينة (الفرينة مانضيفوهاش فرد مرة ،نضيفو 2 كؤوس ومبعد نضيف بكميات قليلة حتان نتحصل على عجينة طرية)ندلكها لمدة 30 ثانية ونغطيوها ونخليوها ترتاح ونروحو نحضرو الحشو
- 3
نرحي البصل والطماطم بالروبو كل واحد وحدو
- 4
نضع في مقلاة الزيت والبصل ونبقاو نحركو حتان تتقلا وتذبل
- 5
بعدها نضيفو الطماطم والملح والفلفل الأسود والطماطم المصبرة ونغطيوها ونخليوهم يتقلاو جيدا حتان نتحصلو على صوص ناشفة (لازم ماتكونش فيها الماء أبدا)
- 6
نرجعو للعجين تاعنا نديروه على شكل حربوش ونقسموه إلى 4 قطع متساوية ونشكلوهم كريات ونبداو نخدمو بالكرية الأولى
- 7
نرشو الفرينة على البوطاجي ونحلو الكرية الأولى بالحلال بسمك رقيق جدا ونخليوها بجهة ،ونزيدو نحلو كرية أخرى بالحلال بسمك رقيق جدا وتكون بنفس مساحة الكرية الأولى على خاطر راح نحطوهم فوق بعضاهم
- 8
ندهنو كامل السطح بالمرغرين الذايبة ونحطو فوقها الكرية الأولى لي حليناها بالحلال
- 9
راح نتحصلو على طبقتين نزيدو ندهنو وجه السطح كاامل بالمرغرين
- 10
نطبقوها على 2 مرات كيما موضح في الصورة
- 11
نتحصلو على مستطيل نزيدو ندهنو السطح بالمرغرين ونزيدو نطبقوه على 2 هذا هو التوريق
- 12
نزيدو 2 كريات لي بقاو نطبقو عليهم نفس المراحل حتان نتحصلو على عجينتين نغطيوهم بكيس بلاستيكي ونلوحوهم للكونجيلاتور لمدة 10 دقائق ونجبدوهم
- 13
نجبدو عجينة واحدة نرشو الفرينة ونحلوها بالحلال على حساب البلاطو لي استعملتوه(انا بلاطو تاعي 35\30 سم)
- 14
ندهنو الصينية بالزيت ونحطو الطبقة الأولى ونحطو فوقها لاصوص ولي بغات تزيد جبن مبشور انا نسيت ماستعملتوش
- 15
نزيدو الكرية الثانية بنفس الطريقة ونحطوها هي الطبقة الثانية(اذا جاتكم شوي صغيرة حاولو تجبدو العجينة برك حتان تلحق للصينية) ونقفلو مليح الجوانب بصباعنا
- 16
نقسمو بالسكين حتى نلحقو للاسفل على 12 قسم
- 17
ندهنو السطح ببيضة مخلطة بملعقة خل ونضع في الوسط الزيتون الأسود
- 18
نلوحوها اطيب كي يحمرو الجوانب نشعلولها من فوق
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
كوكا مورقة بدون زبدة التوريق كوكا مورقة بدون زبدة التوريق
#كوكا_مورقة_بدون_زبدة التوريق مقرمشة و لذيذة جداً
-
-
-
-
كوكا مورقة بدون زبدة التوريق كوكا مورقة بدون زبدة التوريق
#التحدي_الذهبي وصفة جربتها وعجبتني بزااف
-
كوكا مورقة بدون زبدة التوريق كوكا مورقة بدون زبدة التوريق
هذه الوصفة بدون لحم ولا دجاج كما قلت جود بالموجود
-
-
-
-
-
كوكا مورقة بدون زبدة توريق كوكا مورقة بدون زبدة توريق
انا زوحي قالي خير من تاع برا صدقوني طرية ومقرمشة من فوق ومورقة ومتكلفش
وصفات ننصحك بمشاهدتها
التعليقات (3)