غسلت الكرشة بالماء والخل مليح بعدها غليتها غلية أولى مدة خمس دقايق صفيتها وزدت طيبتها في الماء حتى طابت نصف طياب.

وجدت الصوص رابيت البصل والثوم في شوية زيت زدت عليهم حبة طماطم صغيرة مرحية ضفت عليهم ملعقة كبيرة طماطم مصبرة وملح وفلفل اسود وراس الحانوت وكمون وعكري ونقلي مليح نضيف الكرشة والحمص يتقلاو ونمرق بماء ساخن كي تقرب الكرشة طيب نضيف حبتين بطاطا مقطعة مربعات كبار ونخلي الكل يطيب مع بعض وتتجمر المرق.