#طيب_جزايري 🇩🇿🇩🇿🇩🇿#لمة_الاحباب 🇩🇿🇩🇿🇩🇿#مرحبا_بالعيد 🐏#أصلها_جزائري 🇩🇿🇩🇿🇩🇿الكسكس او الكسكسي او سيكسو "باللغة العامية الدارجة" او بربوشة "في مناطق الشرق الجزائري" من الاطباق التقليدية الجزائرية العريقة هو ايضا من عادات أغلب الجزائريين لغذاء يوم الجمعة و ايضا في المناسبات مثل ثاني ايام عيد الأضحى... يطبخ على بالبخار و يقدم مع مرق لحم او دجاج او مع حليب؛ لبن او رايب او الفول الاخضر المفور او البيض المسلوق و ممكن حتى بالسكر و القرفةيعتبر الكسكس سلطان العادات و التقاليد الجزائرية حيث قيل عنه: "الكسكس همة حتى لو كان بالماء"

#حراير_الجزائر #الأكلات_الجزائرية#جزائرية #وصفة_من_كتاب_الطبخ هذا التحدي مخصص لوصفة من كتاب كتابي الاول اللي ستخدمو هو كراس كان فيه وصفات امي ربي يحفظها ويحفظ كامل امهاتكم يارب كنت رغم صغر سني نحب الطبخ ونحب نتعلم مدرستي الاولى وكتابي الاول هو امي وبما انو معنديش كتاب طبخ فحبيت نشارك بوصفات كنت تعلمهم في صغري ومن اولى الوصفات اللي تعلمتهم وكتبتهم عليها هو الكسكس اليوم عملت كسكس الاعراس المسيلي باللحم والبصل المعسل والزبيب والحميصة بنييييين بزاف الوصفة الاصلية مفيهاش الجزر انا لانو للبيت فقط ضفتو هذا النوع من انواع الكسكس الكثيرة اللي نعملوهم في بلادنا هذا نقدموه في الاعراس نوضعو صحن كبير من الكسكس واطباق صغيرة للتقديم وطبعا اللحم والصلصة اكيد يكون مالح وحلو لانو البصل يكون فيه حلاوة ونزيدو نقدمو معاه السكر الناعم ولا اروع ولا اجمل من عاداتنا واطباقنا الجزائرية ♥️

#لمة_الاحباب🇩🇿🇩🇿🇩🇿#وصفة_هدية_لصديقتي 🎁👭يتمتع ااكسكس الجزائري بقيمة كبيرة لدى الجزائريين فهو طبق يقدم في المناسبات والأعياد ومثل مايقولوا عندنا الطعام همة ولو على الما لذلك حبيت أهدي وصفتي الى كل صديقاتي الغاليات وإلى كل من أهداني كلمة طيبة والي @Osrat_cookpad وبما أنه لا أستطيع ذكر أكثر من ثلاث صديقات راح أنشر أكبر قدر ممكن من الوصفاتالوصفة أهديها لسندريلا لمة الاحباب @Asma_31 وعزيزتي @chouchou_22 اللي نهنيها بعيد ميلادها ونقولها كل عام وأنت بصحة وسعادة

#حراير_الجزائر#جزائرية#الأكلات_الجزائرية #طيابي_اليوم الكسكس الجزائري الطبق الرئيسي لدى الجزائري في مناسباتنا وافراحنا عندنا في الجزائر أكثر من 300 نوع من الكسكس وصفات كثيرة حلوة ومالحة في كل منطقة من الجزائر تنوع كبير عندنا أيضا أنواع متعددة من الكسكس بالخروب بالقمح الكامل بالبلوط الخ انواع كثيرة في بلد كبير بحجم قارة النساء الجزائريات ضروري يعملو العولة تاع الكسكس يتلمو ويفتلو الكسكس وينشفوه ويخبوه ويستعملوه طوال السنة هاذي الجزائر وهاذي اكلاتنا أنا عملت كسكس باللحم والبصل يجي مالح وحلو بزاف بنين تحيا بلادي 🇩🇿 💖

#لمة_الاحباب 🇩🇿🇩🇿🇩🇿#همة_والشان كسكس جزائري من المطبخ التلمساني يقدم في الاعراس وحفلات الختان وعند قدوم الحجاج والكثير من المناسبات السعيدة وهو مزيج يجمع بين الحلو والمالح#جزائرية#أم_إلياس 🇩🇿

#أجواء_عيد_الأضحى🐏يجي هاااايل يذوب مع طريقة سهلة للتفوار للمبتدئات 👍

#جزائرية #القعدة_الزينة#أطباق_تقليدية_جزائرية يحافظ المطبخ الجزائري على أصالته في الاكلات الشعبية و التقليدية خاصة 👌 مطبخنا غني و متنوع فنجد الأطباق القبائلية و الصحراوية و الشاوية وأطباق خاصة بمنطقة الشرق و أخرى بمنطقة الغرب و تمنح كل منطقة طابعا خاصا بها و نتعرف على بعض الاكلات مثل "الكسكس" هو سيد المائدة الجزائرية انه طبق متواث كونه الطبق الأول في موائد افراحنا و منسباتنا وغيرها من مختلف اللمات العائلية 👍🏻ثانيا طبق "الشخشوخة" و هي من الأطباق التي تشتهر بيها مناطق الشرق الجزائري و هي طبق للافراح و المناسبات و تختلف طريقة تخضيره من منطقة الى اخرى، اشهر انواع الشخشوخة هي الشخشوخة القسنطينية و الشخشوخة البسكرية نسبة لمنطقة بسكرة بوابة الصحراء و الشخشوخة البوسعادية و اما منطقة الغرب الجزائري فنجد شخشوخة الرقاق ،و لا تكتمل الشخشوخة الا بالمرق و اللحم يزينها سواء كان دجاج او غنم الى جانب الحمص الذي يحضر مع المرق و البيض المسلوق للتزيين وبالطبع الخضار الموسمية المتنوعة .و توجد عدة اطباق لا تعد ولا تحصى مثل : البركوكس و الرشتة، وزفيطي و قائمة طوييييلة من الأطباق اغلبها موجود على كوكباد

#مملكة_الفراشات 🦋#جزائرية_100% كما عودناكم كل خطرة في اسبوع نحطو وصفة تقليدية تخص بالجزائر ليوم حضرنا الكسكس جزائري 🇩🇿 إجتهدت جداتنا 👩‍🦳👩‍🦳في تطوير إعداد هذا الطبقحتى أنهن في أوقات الحاجة كن يحوّلن كثير من المواد الغذائية الطبيعية إلى كسكس بعد الغربلة وتصفية المكونو إبّان الإستعمار الفرنسي كانت جداتنا يصنعنه من البلوط و الخروب بدون أن أنسى طبعا دقيق القمح والشعير وهذا مايجعله جزائري بامتيازلأننا نمتلك أسرار عشرات أو مئات الوصفات لإعداد وطبخ الكسكس حتى أنها تختلف من منطقة لأخرىكما أن الجزائريات 👩‍🦰👩‍🦰🇩🇿 هن الوحيدات عالميا القادرات 💪💪 على طهي الكسكس بمختلف أنواع اللحوم والخضار وحتى الفواكه بكل جرأة

وصفة جزائرية تقليدية اخدنها من جدتنا

#لمة_الاحباب 🇩🇿🇩🇿🇩🇿#وصفات_موسمية ✨جمعة مباااركة أحبتي✨معروفة العائلة الجزائرية بالكسكس في يوم الجمعة يكون مسفوف او بالمرق بالخضر الموسمية.

#حراير_الجزائر #وصفة_مشتركة#طيب_جزائري #الأكلات_الجزائرية قسما بالنازلات الماحقات والدماء الزاكيات الطاهرات ربي يرحم الشهداء الأبرار منهم جدي شهيد الوطن فلتحيا الجزائر حرة مستقلة عملنا اليوم الكسكس همة يالوكان على الماء هاذي يقولوها ناس زمان الكسكس أو الطعام اوالبربوشة بزاف تسميات هو جزائري تقليدي موروث تاع أجدادنا عندنا في الجزائر أكثر من 300 نوع من الكسكس بالقمح بالبلوط بالخروب وحتى بالاعشاب أما الاذواق والاضافات فذخر كبير فكل ولاية من الجزائر عندها أكثر من نوع كسكس النساء الجزائريات يعملو العولة يتلقاو النساء ويفتلو الكسكس وينشفوه ويخبوه ومن الكسكس نخرجو البركوكس الجزائري أيضا وطبعا الكسكس الجزائري فيه الحلو والمالح الكسكس الطبق الاول في اعراسنا باللحم طبعا ربي يدوم افراحنا يارب ويحفظ بلادنا يارب

#استقلال_بلادي🇩🇿#تقاليد_الفرولات🍓🍓🍓#طيب_جزايري🇩🇿🇩🇿 موافقااا مع عيد الاستقلال قررنا فرولات كوكباد🍓 على هاشتاڨ يكون مشترك كل وحدة تحط أكلة او حلويات تقليدية أصيلة جزائرية🇩🇿إحتفالا بهذه المناسبة الوطنية🇩🇿بلد المليون والنصف شهيد🇩🇿🇩🇿🇩🇿🇩🇿🇩🇿🇩🇿🇩🇿