باسم الله نبدأ ،نختار پيراكس بالنسبة لي اخترت واحد مستطيل الشكل و نرص فيه حبات البسكويت بعد ما نكونو غمسناها في خليط الحليب والسكر والقهوة ،نعمل طبقتين من البسكويت ونتركها جانبا ، في كسرونة نحضر كريمة الشكولاطة بمزج كل المكونات على بارد ماعدا الزبدة ثم نحطها فوق نار متوسطة مع استمرار التقليب حتى يثقل معنا الخليط نزيد عليه الزبدة و نحرك مليح ثم نصبو فوق الصينية وهو سخن نتركه يبرد ونخضر كريمة القهوة، نخلط كل المكونات في طاس غارق ونضرب بالضراب الكهربائي بسرعة بطيئة ثم نبقى نضرب لكن بأكثر سرعة

مدة 10دقائق حتى نتحصل على قوام ثقيل و كريمي (مثل الصورة) ،نسكبه فوق كريمة الشكولاطة الباردة ونسويه ونتركو يبرد في الثلاجة مدة ساعة على الأقل ثم نرشه بالكاكاو المر ونزين بالمتوفر ونقطعو قطع نقدمهم في الصحن بكل حب وامتنان الى من نحب من أقاربنا الكبار 😍 ألف صحة و عافية 👌❤️ هذه التحلية هي العشق الحقيقي للقهوة لأن ذوقها غلب الشكولاطة 😀😊🤗 بالنسبة للكريمة لم يتوفر عندي كمية النشاء كاملة واستبدلت ما ينقصني بالفرينة وجات 👌👌طبعا من كان عدد اسرته قليل يستعمل نصف المقادير فقط في صينية صغيرة🌹