لتحضير العجينة نضع 250غ زبدة طرية ونزيد 04 ملاعق كبار سكر ناعم 🍥 و04 ملاعق كبار مايزينا (نشاء) ونزيد 02 حبات بيض 🥚 🥚 كاملين وقرصة ملح و02 ملاعق صغار فانيلا ونخلط المكونات بالباتور أو اليد أو بالفوي حتى نتحصل على كريمة

وفي الاخير نضيف كأسين فرينة مع 02 ملاعق صغار خميرة كيميائية (بيكينج بودر) ممسوحة ونغربلهم حتى نتحصل على عجينة طرية ونغطيها بكيس بلاستيكي وندخلها للثلاجة ترتاح لمدة 15 دقيقة

من بعد ما فاتت 10 دقائق نجيب كاوكاو محمص أو كاوكاو مملح نضعها في المول ثم نحط كراميل توفيا قيس ما يتغطي الكاوكاو محمص

ونعاود ندخلها للمجمد نخليه لمدة 20 دقيقة

نذوب شوكولا بيضاء و سوداء على حمام مائي ثم نحضر مول الارابيسك ونضع على المول كمية قليلة من شوكولا بيضاء بملعقة صغيرة ثم نوزع شوكولا بيضاء ونضغط عليها باش تدخل كامل في شكل من بعد نحو زوائد بالكوبات ثم نشمخ قطعة قماش بماء دافئ ونظفو المول جيدا من بقايا الشوكولا وندخلها للمجمد

من بعد نجيب مول ثاني لي فيه دوائر ونثبتها جيدا راح نجيب شوكولا سوداء 🍫 ونملأ الدوائر ونعاود ندخلها للمجمد من بعد ما جمدت ونحيه

بالنسبة للتزيين زينتو بملمع ذهبي ثم زينتو من فوق الارابيسك لصقو شوية شوكولا 🍫

بصحة والعافية 😋 😋 😋 😋