نحطو جفنة أو لقصعة نحطو فيها ثلاث 3 كيلات سميد متوسط مع كيلة نتاع سمن لي تكيلي بيها سميد كيلي بيها سمن وسمن يكون ذايب وبارد ماشي سخون

نوجدو تمر بعد ما نقوه نحولو نواة نتاعو ونرحوه نديرولو قرفة وشوية قرنفل ومغرف زبدة

بعد ما يريح لعجين نتاعنا ليلة كاملة نبداو نخدمو فيه ندرولو حفرة من وسط نديرو فيها شوية ملح باش ما يجيش مقروط مسوس وسامط ونديرو كيلة نتاع ماء وماء زهر ونرشو بشوية ونلمو كل واحد وسميد نتاعو كاين لي يشرب وكاين بي ميشربش

نديرو حربوش من لعجين نفتحوه في لوسط ونديرو الغرس ونفرمي ونعدلوه ونطبعو بطابع ونقطعوه كل حبة قد ختها ولي يحب نقاش يدير نقاش نطيبوه من تحت وشوية برك من لفوق يقعد اصفر منحمروحش بزاف بعد ما يبرد وتحبي تحطيه عسليه ورشيه بجنجلان وشهية طيبة