نبداو بالعجينة انا كي درتها جاتني زوج بلاوات تحكمي لبول تاعك تحطي فيه الفرينة وتزيدي عليه الزبدة تجيبيها من الفريجيدار تضيفيها وترمديها مع الفرينة والملح مليح حتى تولي مرملة

من بعد تزيديلها حبة بيض والزيت والمغرف تاع الفرينة وتلمي العجينة بصباعك بالما البارد تقدري تعوضي بالحليب البارد متعجنيهاش تغطيها وتخليها تريح ما بيذ ما توجدي الحشو

نبداو بالدجاج في مقلة تحطي شوي زيت طيشي عليه الدجاج والفلفل لحلو مقطعين مع الثوم والتتبيلة تاعك الخاصة تخليهم يطيبو

السلق ساهل في مقلة اخرى ديري الزيت وڨصي السلق و ديريلو شوي ملح وفلفل كحل وسنة ثوم وخليه يذبال حتى يطيب

كي يطيبو احكمي بول كسري فيه البيض وحطي الجاج لي طيبتيه والبطاطا المقلية وشوي فرماج والسلق لي طيبتيه خلطيهم وحلي العجينة وريڨليها فالموول وحطي لافاغس وابرشي عليها الشيدار وزينيها كيما تحبي ودخليها لفور 200° لتحت ومبعد لفوڨ وبصحتكم🥰🌹