مشوكة بالكاوكاو
الخطوات
- 1
اولا نأخذ الكاوكاو نحمصوا ونضيفلوا لافامي ونرحيه متوسط من بعد نغربلوا نحيلوا الرقيق (كي نصيروا او نغربلوا نتحصل على كاوكاو بودرة هذا لي نضيفوا مع العجينة المشوك نكيل بصحن او كاس كبير كيلة واحدة) و الكاوكاو متوسط نخليه للكريات نرمد بيه حبات المشوك
- 2
نأخذ الزبدة ذايبة ونضيف قرصة ملح ونضيف سكر قلاص وبيض ونخلط نضيف لافاني والكاوكاو بودرة لي تحصلت عليه بعد ما غربلتوا او نرحيه مليح ونضيف فرينة وخمارة انا درت 2 خمارة ونجمع العجينة لازم تكون طرية العجينة نغطيها ونخليها تريح.
- 3
نطيب العسيلة نكيل السكر نضيف ضعف الماء مثلا 2 كيلات سكر ب 4 كيلات ماء نخلي السكر يعقد شوية مهم ميكونش خفيف العسيلة لازم تكون باردة كي نحي مشوكة سخونة نشربها بالعسيلة باردة
- 4
نبدا نشكل كريات الحلوة حجم الحبة 25 -30 انا درت عيني ميزاني هذي الحلوة طيب في ليكيسات سيي حبات تشوفي حجم على حسب كيسات تاع مشوك
- 5
دير كويرات نحطهم في بياض البيض لي نحيتو من صفار 3حبات بيض من بعد نحطهم في الكاوكاو مرحي متوسط لازم ميكونش خشين نسقم بيدي الكويرة نحطها في ليكيسات تاع مشوك نعمل ثقب ونحط نصف حبة من الحلوى الجافة
- 6
نخليها طيب على درجة حرارة 180 من تحت ومن الفوق تأخذ اللون الذهبي نحيها ونشربها بالعسيلة باردة
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
مشوك بالكاوكاو مشوك بالكاوكاو
#وصفات_اقتصادية مشوك تاع زمان دائما حضر في الاعراس و الأعياد و محبوب الجميع
-
-
-
-
-
-
-
-
مشوك الكاوكاو مشوك الكاوكاو
وصفة استوحيتها من كتاب الطبخ Samira ، وصفة بنينة ان شاء الله تنال إعجابكم😋😍
-
وصفات ننصحك بمشاهدتها
التعليقات (3)