نقطع البصل والثوم نضعهم يتقلاو مع اللحم والزيت جيدا ثم نضيف التوابل والشعيرية ونمرقو قيس مايتغطا اللحم نتاعنا نخلوها حتى يطيب اللحم نتاعنا ونضيفو الشعيرية طيب لمدة 5 او 10 دقائق نحيو حوالي 10 ملاعق من الرق نتركها تبرد قليلا ثم نضيفولها عصير الليمون والمعدنوس والبيض نخلطهم جيدا ونفرغهم على الشوربة نتاعنا ونحركو مليح باش البيض مايطيبش ونتحصلو على شربة خاثرة وبنينة

طريقة تحضير السلطة : نجيبو حبة شمندر (بيطراڥ) حبة جزر نسكرفجوهم ونضع كل منهما في علبة ونخدمولهم لاصوص ڥنيڨرات تاحم نحطو فيها زيت عادي خل ثوم فلفل اسود القليل منه فقط ملح نخلطها جيدا ونضيفها الى كل منهما ونتركها حوالي ربع ساعة باش يتشربو فعقلهم ونقدموها باردة نزينوها بطماطم وزيتون وشهية طيبة