نحضر مقلاة بيها قليييل من زيت نخلوه يسخن ع نار هادية ونحمصو تلتلي بجزء حتى يصبح ذهبي لون ونحطوا ف صحن ونسكب عليه ماء ونخليه يتشمخ.

ف هذه الاثناء نحضر المرق نحضر طنجرة نحط فيها زيت واطراف لحم او دجاج يغلو نكون ونضيف طماطم مصبرة تتغلا ف زيت تروح حموضة منها ثم نكون رحيت بصل وطماطيش وثوم وقصبر ونضيفهم للطنجرة ونخلو كلشي يتقلى مليح ومن بعد نضيف الخضر بطاطا وكورجات وتوابل راس حانوت وفلفل اسود و فلفل عكري وحار رطبين كتتغلا كامل مكونات نمرق بالماء سخون ونخليهم يطيبو ع نار قليييلة

نروحو لتلتلي لشمخناه نصفوه ف كسكاس يقطر مليح ونحطوه ع مرق يفور كي فور الفورة الاولى نحيه نحلوا ف قصعه ونضفولو الماء بتدريج باه يشرب ويتنفخ بعدها ملح وزيت ونحكو بين يدينا حتى يتشرب كلش ونرجعو يفور للمرة ثانية

كي فور وتحسوه ترخف وطاب نحوه ونحلوه ف قصعه ونخلوه يبرد

نرجعو للمرق يكون لحم وخضرة طابو نحوهم من مرق بجهه نجيبو تلتلي ونحطوه ف مرق ونخلوه يتجمر ويشرب قاع صوص ناعو بعدها نطفوا عليه ونزدوه قليل من زبدة ونحركوا ونقدمو مزين كما صورة.

بصحة وراحة حبيباتي ❤️ اختكم سمية من بريكة 😘