بسم الله الرحمن الرحيم و الصلاة والسلام على اشرف الأنبياء و المرسلين

في اناء نضع كل المرغرين والسكر و النشاء مع رشة من الملح والزيت و البيضة ونخفقهم بي الضراب الكهربائي حتى يتجانسو ثم نضيف الفرينة والخميرة الكميائية بستعمال اليد ودون عجن حتى نتحصل على عجينة متماسكة

نشكلها كرات ونعملها مباشرة في المول و نثقبها بشوكة و ندخلها لي المجمد مدة ربع ساعة ثم ندخلها لفرن مسخن مسبقاً حتى تكتسيب اللون المرغوب فيه

من جهة اخري رحيت اللوز بقوشوره متوسط ووضعت في كسرونة العسل والمرغرين ولما سخن ضفت اللوز وخلطت جيدا ثم نزعت من النار وعمرت مباشرة التارتولات وكنت نحرك في كل مرة حتى يبق اللوز معسل وزينت من الفوق بي الجوز واابندق ونوا أكاجو وخليتهم ينشفو مدة ساعتين ثم ذوبت لجولي ومسحتهم من الفوق باش يعطينا لمعة يخرجو روعة في الشكل والبنة
انا قدمتهم هدية لجرتي في فيونساي نتاع بنتها ربي يزين سعدها انشاء الله ولعقوبة لي مزال
واكيد خليت حبيبات لداري باش نحطهم اليوم لسهرة😉😉😉 وعواشيركم مبروكة 😘😍❤️