لتحضير العجينة : نخلط بإستعمال الخلاط الكهربائي كل من السميد و الفرينة المغربلة و ملح و نطم بالماء نطموها يابسة و نخليها ترتاح

بعد مدة نبدأ بإضافة الماء تدريجيا مع مواصلة الخلط لتصبح العجينة طرية

نقرصوها كيما اي مثل المسمن و نخلوها ترتاح يمكن ليلة كاملة بعد مرور الوقت نفتحها على شكل ورقات و نطيبها فوق حتى يكملولي القريصات.

لتحضير المرقة : نقليو اللحم مليح في السمن و الزيت ثم نضيف البصل المطحون و نزيد نقلي مليح ثم نضيف الطماطم مطحونة و نخليهم يتقلاو ثم نضيف الحمص.

بعد مدة نضيف التوابل و نمرق بالماء الساخن و نغلق عليه في القدر.

كي يطيب اللحم نصف طياب نضيفلو الخضر و نزيد نغلق عليه حتى يطيبو.

كي يطيبو نحيهم في صحن آخر.

نقطع الورقات تع الشخشوخة لقطع عشوائية و نديرهم يفورو المرة الأولى فوق الماء و التفويرة الثانية فوق المرقة.

و في الأخير نضعها في طبق التقديم و نزينها كما في الصورة.

نتمنى تعجبكم الوصفة و اجربوها إن شاء. مولدكم بالصحة و الهناء ان شاء الله. سلام يا حبيبات قلبي 😘🥰