دديري سميد و الملح و فانيلا و تبسي بالمارغرين

من بعد ضيفي غير بلعقل كيلة تع الماء+ماء الزهر و ترشيه

ديريه في صينية الفرن تكوني سخنتيه من قبل و بعد ما تمر نص ساعة تبدي تجبديه و تقلبي مرة على مرة و لي عندها فور يشعل من الفوق ومن لتحت راح يساعدها كي تشمي ريحة السميد و ياخذ لون ذهبي تخرجيه

ديريه فالغربال باش يجيك على حبة وحدة

ديريه يفور تفويرة الاولى و عطيه وقته ماشي كيما اي مثل الكسكس غير يطلع الفوار تقلعيه

كي يفور ترصيه بكيلة و نص حليب و ماء الزهر تحبي في بلاصة الحليب ديري الماء عادي نفس الشيء عندك الاختيار

بعد ما ترشيه ديريلو كيلة كاوكاو و عاودي فوريه

كي تحبي تقدميه فوريه و رابيلو حلوة الترك و تعسليه بعسيلة تكوني مسخنتيها و صايفتيلها ملعقة ماء زهر و بالصحة و الهناء