نحط البيض والحليب والسكر والزيت ورشة ملح وعطر الموز ونخلط جيدا بالميكسور ثم نضيف الفرينة المغربلة وندخلها جيدا في الخليط بالملعقة ثم نصفي الخليط ونخليه يرتاح ربع ساعة

نحط ورق الديول في بلاط وندخلها الى فرن شاعل من فوق ونخليها تتحمر ثم نهرسها باطراف الاصابع

في مقلاة ثقيلة نسخنها وندهنها بالزبدة ونحط كمية من الخليط ونمشيها على كامل السطح ونخليها تطيب ثم نحط في نصف الورقة كمية من شكلاطة الطلاء ونحط كمية من الديول المهروس ونطوي على اثنان ثم نحط في الربع الشكلاطة والديول ونطوي على اربعة كما في الصورة ونخليها تتحمر

نزين بخطوط من الشكلاطة والقليل من المكسرات وفتات الديول وتقدم بالصحة والهنا