نقلي البصل في شوية زيت كي يذبال نضيف عليه خليط الطماطم مرحية والطماطم مصبرة والجومبو والمعدنوس والتوابل والثوم مع ربع كأس ماء ونقلي مليح.نضيف الزيتون لي غليتو عشر دقايق مع قطعة ليمون وملعقة كبيرة سكر (وهذا سر من أسراري اني نغلي الزيتون مع طرونش ليمون وملعقة كبيرة سكر تروح الملوحة وتبقى بنة الزيتون) ودوائر الجزر

ونمرق بماء ساخن كي يغلو نضيف البطاطا مقطعة مربعات ونخلي الخضر طيب (البطاطا حطوها كي تمرقو باش تقعد حاكمة روحها ومذوبش في المرقة)

كي تقرب الخضرة تاعي طيب نضيف بولات الكفتة (وسر الكفتة هي بياض البيض لي يخليها تحكم روحها ومتتفتتش في المرق) ونخليهم يطيبو مع بعض ونزين برشة معدنوس.