نوجد كل المكونات ونبدأ باسم الله، في إناء نضع المارغرين و البيض وسكر وزيت ورشة الملح ولفاني نخلطهم جيداً بالمضرب اليدوي (الفوي) حتى نتحصل على خليط كريمي

نضيف النشا (نغربلها) ندخلها مليح.

ثم الفرينة (حتى هي نغربلها من الأحسن) نضيفها بالتدريج حتى نتحصل على عجينة طرية مثل الصابلي.
ملاحظة مهمة: حبة البيض اللي استعملتها صغيرة علابيها دات معايا زوج كيسان ونصف فرينة أما الوصفة الأصلية فيها 3 كيسان فرينة على هاذيك لازم الفرينة نضيفوها بلعقل ونخلطو حتى نتحصلو على القوام المطلوب.

نقسم العجينة على ثنين واحدة نخليها بيضا والثانية نضيفلها ملعقة كبيرة كاكاو بني مر ندخلها مليح وإذا حسين أن العجينة نشفت معايا شوية نضيف قطرات من الزيت ونخلط حتى يولي خليط طري، نخطها في كيس بلاستيكي ونخليها ترتاح مدة 15دقيقة.

نشكلها كويرات تقريبا متساوية وتكون صغيرة الحجم (ما وزنتش درت عيني ميزاني) وغطيتها ببلاستيك غذائي، من جهة أخرى جبت قطعة من الشكولا السوداء (استعملت منى) قطعتها قطع صغيرة باش نحطها في الحشو. نأخد 3 كريات بيضاء و 3 كريات سوداء ونحط وحدة بيضاء ووحدة سوداء بالتناوب ونلمهم ونضغط عليهم برفق (كما هو موضح في الصورة).

ونضع شكولا في الوسط ونحاول نغطيها بالعجين ونكورها بكف يدي كيما نديرو الغريبية حتى نتحصل على شكل لولبي كما هو واضح في الصورة.

نحطها في صينية فيها ورق زبدة، ندخلها للفرن على نار متوسطة مدة 20 دقيقة تقريبا مالازمش تتحمر بزاف خاصها تبقى محافظة على شكلها. كي طيب نحطها على مشبك باش تبرد.

جا مرمل وهشيش وهاذيك الشكولا زادتلو في البنة كي يكون ذافي تكون شوية ذايبة بصح كي يبرد تحكم روها، ما يجيش حلو بزاف عجب ولادي 😋

ويقدّم بألف صحة وهنا😋🥰😋.