فى وعاء نضع البيض+الزبدة+السكر+الزيت+الكراميل،العطر و الفانيليا نخلطهم مليح بالباتور او اليد حتى نتحصل على كريمة ثم نزيد المكسرات و النشاء ندخلهم مليح من بعد نزيد الخميرة و نجمع بالفرينة حتى نتحصل على عجينة طرية.

نشكل العجين كريات بوزن 35غ ثم نضعهم فى قوالب السيليكون اي شكل متوفر فيه حفرة فى الوسط نقلب القالب على الوجه فوق صينية ثم نطيبهم فى فرن ساخن على 180درجة حتى يطيب و ياخذ لون ذهبى خفيف.

بعد ما طابت الحلوة و بردت ناخذ نفس المول و نكون ذوبت الشكولا السوداء و شكولا بالحليب بالملعقة نعمل خطوط عشوائية بشكولا الحليب على الاطراف ثم نفرغ م ك من الشكولا السوداء كذالك دون الوسط كما هو موضح فى الصورة ثم نضع حبة الحلوة و نعبز عليها باه تتغطى كامل بالشكولا ندخلها المجمد 5دقائق حتى تجمد و نحيها من المول.

بالنسبة للتزيين نستخدم الكراميل او التعليكة نعمر الثقب ثم نزين من فوق بالكرز و العقاش،الورد،الزبيب،الجوز... من بعد نضعها فليكيسات و نقدمها.