ناخذ الحليب الدافي نحطه في اناء كبير ثم نحط الخميرة الخبز مع السكر ونخلطهم ونخليهم يتفاعلو دقايق ثم نضيف الياوورت الطبيعي والزيت وحبة البيض ونخلط الكل مع بعض ثم نحط الفرينة والملح ونلم حتى نتحصل على عجينة طرية ملساء تتلاصق نوعا ما فاليد ندلكها باليد حتى نتحصل على عجينة طرية ندهنها بالزيت ونغطيها ونخليها تختمر

نحط في مقلاة ملاعق زيت ونحط البصل المقطع ونشوحه في الزيت ونوضع فوقه الطماطم المفرومة والملح والفلفل الحار مقطع قطع صغيرة ورشة فلفل اسود ونقليهم مع بعض حتى نتحصل على صلصة خاثرة نطفي عليهم ونضيفلها التونة الطاطم

ناخذ العجينة بعد الاختمار نهبط الاختمار ونرش طاولة العمل نستعين بالفرينة نفتحها ثم نشكل دوائر بمول دائري نوضع فيهم كمية من الصلصة الطماطم والجبن المبشور جبن طري ونوضعها في آلة السوفلي ثم نضغط على الحواف بالاصبع مليح باش متنفتحش ونوضعها في طاجين ونقلبها من الجهتين حتى تاخذ اللون الذهبي

نقدمهم سخونين بالصحة والهنا