بعد بسم الله الرحمان الرحيم نبدأ: نأخذ وعاء نضع البيض، السكر، قشور ليمون ونضرب بالمضرب يدوي مليح حتى يذوب السكر ويميل الخليط للون الابيض نزيد الزيت ونضرب ثم نزيد خليط الماء واروم الليمون و نضرب مليح

ثم نزيد الفرينة المغربلة و الفرفارة تدريجيا حتى نتحصل على خليط متجانس وخفيف (جميع المقادير مضبوطة) ثم نزيد ملعقة كبيرة خل و نخلط خلطة خفيفة

ثم نأخذ صينية ندهنوها بالزيت ونرشوها بالفرينة ونفرغ الخليط نسويه مليح ثم ندخله الى الفرن البارد وليس ساخن ونشعلو عليه من الاسفل ومن الاعلى في نفس الوقت ونخلوها حتى طيب وتأخذ اللون الذهبي نحوها (ماتاخدش وقت كبير فطياب)

في هادي الاثناء نأخذ كاس نفرغ فيه عصير 2 حبات الليمون ونزيد عليه الماء حتى يمتلء نخلطه ونسقي بيه الكيكة بعد لنحوها من الفرن و نخلوها بجيه تبرد (لتحب حموظة الليمون تجي بكترة تسقيها كيما اي مثل قلت ولمتحابش تجي الحموظة بكترة تزيد 2 او 3 ملاعق سكر للخليط) الكاس تاع 220 مل

نأخذ كاسرونة نفرغ الماء، الحليب، السكر، الفرينة، النشاء، صفار بيضة ونخلط بارد في بارد ثم نحطها فوق نار متوسطة مع التحريك المستمر حتى يتقال الخليط نحيها نزيدلها عصير حبة ليمون وملعقة كبيرة اروم الليمون ونخلطها مليح ثم نفرغها على الكيكة و نخليها تبرد وتحكم روحها (لتحب الكريمة تجيها شفافة مثل سوبر كريم دير غير الماء فقط 3 كؤوس و تنحي الحليب)

و بعد لتبرد تماما نقطعها مربعات و نزينها بجوز الهند و التزيين يبقى اختياري و بالصحة و الراحة تجي هشيشة و الله الله على بنة الليمون روعة 😋🤤😍