بسم الله والصلاة والسلام على رسول الله 🌹
في مقلاة نضع القليل من الزيت ونضع البصل يتقلى شوي ثم نضيف الثوم و الفلف الأخضر يزيد يتقلى ثم نضيف صدر الدجاج والملح والتوابل ونخليهم يتقلاو مليح ثم نضيف ملعقة الخردل ونخلط ثم نضيف نصف كوب ماء ونغطي عليها ونخلي حتى يطيب الدجاج ويتشرب كامل السوائل وفي الاخير نضيف الزيتون الأخضر والمعدنوس المقطع

بالنسبة للعجينة:
في اناء نضع الطحين، الخميرة، السكر والملح نخلط المكونات الجافة ونضيف البيضة ونحرك المكونات ثم نضيف الحليب الدافئ حتى نتحصل على عجينة متماسكة
نضعها على طاولة العمل ندلكها غير شوي ونضيفلها ملعقتين زبدة وندخلها مليح في العجين حتى نتحصل على عجينة رطبة
نتركها تختمر من 45 إلى ساعة

بعد الإختمار نقسم العجينة أنا قسمتها على ثمانية قطع
نأخذ القطعة الأولى ونحلها على شكل مستطيل
*نضع كمية من الحشو وجبن المثلثات كما يمكن إضافة الجبن المبشور ونغلق على الحشو ونزيد نغلق الحواف أي الجانبين
*وفي الجهة المقابلة نفتح خطوط ونلف العجينة وفي نهاية نقرص العجين باه ما تتفتحش معانا

نكمل جميع القطع نخليها تختمرشوي وندهنها بصفار البيض مع القليل من الحليب ونطيبها في فرن ساخن مسبقا حتى تأخذ اللون الأحمر الجميل