في كأس نضع الخميرة والعسل والماء ونخليهم يتفاعلو لمدة عشر دقائق ونفرغهم على الفرينة ونزيدلهم الملح ونخلط جيداً والعجينة ماتكونش طرية تكون كيما اي مثل تاع المسمن

نقرصو العجينة كويرات ونخلوهم يختمرو ومن بعد نحلوهم رقاق مثل خبز الشاورما ونخلوهم يرتاحوا ربع ساعة

نجيبو مقلاة ثقيلة ونخلوها تسخن على نار متوسطة ونبداو نطيبو بأول خبزة فتحناها وكي تبدا تخرج فقاعات صفار نقلبوها وبعدما تفوت نصف دقيقة نعاودو نقلبوها حتى تبدا تتنفخ ونضغطوا على هذاك النفخ بواسطة ملعقة مسطحة او سباتول باه يدخلها الهواء واحذروا تثقبوها، شهية طيبة