في قصعة نغربل السميد ونبدأ نبسس فيه مليح غير بصوابعي لمدة ربع ساعه ونتركه يرتاح 5ساعات.
نحضر الغرس ونعجنو بشوي ماء ونحط فيه القرفه والطيب والزبدة ونعجنو مليح حتى يطرأ ونزيدلو شوي زيت ونخليه يرتاح.

بعد 5 سا نرجع نحل العجينة مليح ونعمل ثقب فيها ونحط الملح ونزيدلو الماء يذذوب ونخلطهم بصوابعي برك ونزيد الماء وعلى السريع نلمها بدون عجن ثم نقسمها على 2.

ونفتح النص الأول فوق بلاستيك ونزيد الغرس ونضعه فوقه ونزيد النص الثاني ونبدأ نمشي فيهم بشوي ونسقمهم مليح بالقراص.
ثم نتراسيها ونقصها مقرودات ونطيبها على نار هادئة.

تقدم مع اللبن بالهناء والشفاء.