بسم الله الرحمن الرحيم والصلات و السلام على اشرف الأنبياء والمرسلين

في كسرونة نضع الفرومبواز لما يبداء يغلي نضيف الجيلاتين لي كنت درتها في ماء بارد نضيفها للفرومبواز ونحرك حتى تذوب وفرغتها في مول دائري ودخلتها للمجمد

من جهة اخرى فرقت الصفار على البياض طلعت البياض بضراب الكهربائي مع رشة ملح ثم السكر خفقتهم جيدا ثم الصفار بلوحدة ووصلت الخفق ثم الفانيلا والزيت بلفوي وكذلك الفرينة على دفعتين نفرغها في مول فيه ورق الطهي وندخلها لفرن مسخن مسبقاً حتى تجهز نخرجها ونخليها ترتاح

من جهة اخرى ناخذ القليل من الماء نضيف ليه الجيلاتين ثم في كسرونة نضع الشوكولاطة بعد ما نكون قطعتها رقيقة نضيف عليها 40غ من المرغرين ونتركها على نار هادئة حتى تذوب نضيفلها الجيلاتين ونحركها جيدا حتى تختفي

ناخذ إناء نضع فيه الكريم فريش ونخفق جيدا حتى تتكاثف ثم نضيف الشوكولاطة لي ذوبنها مع الجيلاتين ولازم تكون الشوكولاطة مزال سخونة نوعا ما باش لكريمة تكون مطلوقة وتاخذ شكل المول

ناخذ المول نوضع فوق الكيكة ونقطع الشكل نتاع المول ثم ندهن الكيك لي قطعناه بشوكولاطة الطلي وندير فوقه كمية من الفويتين للقرمشة 👈👈

ناخذ المول نفرغ فيه كمية من لموس لي حضرنها ثم موضع لنسار نتاع الفرومبواز لي كان في الثلاجة ثم نزيد نوضع فوق لموس وأخيرا الكيكة لي دهنها بي الشوكولاطة والفويتين ندخل المول لثلاجة ليلة كاملة في الغد نخرج المول وننزع الكيكة ونحطها فوق حاجة وين نقدر نڨلاصيها نسخن لقلاصاج في كسرونة ولما يبداء يطلق روحو نحيه من النار ونبردو قليلا غير بتحريك ثم نفرغ علي الكيكة ونعاود نرجع لثلاجة

انا درتها لعيد ميلاد زوجتي ذوبت الشوكولاطة ودرتها في مول نتاع الحروف وزينت بيهم نتمنا تجربوها ذوقها خيالي