بسم الله و الصلاة و السلام على رسول الله: في وعاء نخلط الماء الدافىء + خميرة الخبز و السكر ونتركهم يتفاعلو
من جهة نخلط الزيت + الزبادي + الملح و بياض البيض ثم نضيف خليط الخميرة و نخلط جيدا نضيف خميرة الحلويات و نجمع بالفرينة حتى نتحصل على عجينة طرية جدا نعجنها قليلا ثم نغطيها و نتركها تختنر حتى يتضاعف حجمها

نخلط مكونات الحشو مع بعض
ندهن الايدي بالزيت و نشكل خبيزات متوسطة من الحشو
نسخن الشواية و ندهنها بشوية زيت ونشوي الخبيزات من الجهتين و نتركها جانبا
نقطع البصل دوائر كذلك و نشويه ايضا

ننزل العجينة على سطح العمل مرشوش بالفرينة و نقسمها الى كريات متوسطة الحجم و نغطيهم
نبسط كل كرية سمك رقيق و بشكل دائري ثم نضع القليل من صلصة الجبن بعدها نضع فوقها خبيزات الحشو المشوية ثم البصل و نغلق العجينة جيدا و نقص الزوائد حتى لا تكون العجينة غليظة نوعا ما

نضعها في سينية و نكمل بنفس الطريقة
نتركها تختمر حوالي 15د ثم ندهنها بصفار البيض و شوية خل و نرش عليها السمسم او حبة البركة و ندخلها الفرن

بعدما نخرجها نغطيها مباشرة و نتركها حوالي 10د حتى تصبح طرية و تقدم