نغسل البطاطا ونقشرها ونقطعها دوائر نضيفلها الملح وفلفل اسود وكمون وموتارد والزيت واعشاب عطرية ونخلط ونخليها تتشرب بجهة
وناخذ الطماطم نرابيها ونضيفلها طماطم مصبرة وفص ثوم مرحي وملح وفلفل اسود وشوية سكر وكركم وكمون نخلطهم مليح ونفرغ شوية في الطاجين ونحط البطاطا

ثم باقي الطماطم ونصف فنجان ماء ونحط الرند وفص ثوم مقطع دوائر رقيقة وشرائح ليمون نغطيها ونخليها طيب على نار قليلة

بعد ما طيب البطاطا نضيفلها جبن مبشور ونغلق حتى يذوب ونشكل مثل ثقوب نكسر فيهم البيض ونرش شوية ملح فوقهم ثم فلفل احمر ومعدنوس نخليه يطيب ونقدمها