للكريم باتيسيار في كسرونة نحط الحليب يسخن شوية و في صحن نحط البيض و السكر و المايزينة و لفاني و قرصة ملح و نخلطهم جيدا ثم نضيف عليهم شوية من الحليب لي سخناه و نعاود نفرغ الكل فالكسرونة و نحطو فوق النار ونحرك حتى تعقد نضيف الزبدة نخلط و نطفي و نفرغ الخليط في صحن نغطيه ببلاستيك غذائي يلامس السطح و نخليه يبرد شوية و ندخلو للثلاجة حتى يبرد تماما بعدما يبرد نضربو بالفوي او الخلاط الكهربائي

لكريمة الفراولة : في البلاندر نحط الفراولة و السكر و المايزينة نضربهم جيدا ثم نفرغهم في كسرونة و نحطهم فوق النار و نحرك حتى تعقد نضيف الزبدة و ملون + عطر الفراولة و نخلط الكل حتى يتجانس و نفرغو في صحن و نغطيه ببلاستيك غذائي يلامس السطح و نحطو يبرد شوية ثم ندخلها للثلاجة تبرد تماما بعدما تبرد نخلطها بالفوي

نأخذ قوالب التارتولات تاعنا نعمرها بكريمة الفراولة ثم كريم باتيسيار