بسم الله الرحمن الرحيم و الصلاة والسلام على اشرف الأنبياء و المرسلين

في قصعة نضع السميد المتوسطة والرقيق نضيف عليه حليب بودرة والملح نخلط جيدا نضيف عليه السكن والزيت نبسس جيدا ونحك بين راحة الايدي نضيف عليه كاس آتاي من ماء الزهر ونخلط جيدا نغطيه ونخليه يبات ليلة كاملة

من جهة اخري نخلط كل من السكر والكاوكاو والقرفة ونجمع بماء الزهر حتى نتحصل على عجينة نشكلها كرات بي وزن 15 غ

في الغد نعاود نفتح السميد نتاعي جيدا بعدمارتاح ليلة كاملة ونجمع العجينة بي خليط من الماء وماء الزهر حتى نتحصل على عجينة طرية ومتماسكة نعمل كرات بي وزن 20 غ ثم نفتح الكرة في اليد ونعمل في كرة الكاوكاو ونغلقها ونعطيها شكل كوراوي وندخلها في المول ونتحصل على الشكل لي راكم تشوفو فيه ثم ندخلهم لفرن مسخن مسبقاً حتى يجهز معنا

كي نخرج نعسلو مباشرة في عسل يكون بارد وبدون إضافات او نخليه يبرد وعند الاستعمال نسخن العسل ونعسلوه ونزينوه ونقدموه بصحة والعافية