نأخذ إناء نحط الحليب وكأس السمن الذايب يكون بارد وماء الزهر ونضيف السكر الناعم ونخفقهم بالضراب اليدوي مليح ونضيف حبة البيض ونخفق الكل مع بعض ثم نبدأ نضيف الفرينة بالتديرج حتى نتحصل على عجينة طرية ملساء نلمها باليد مليح ثم نغطيها في كيس بلاستيكي ونخليها ترتاح نصف ساعة

ثم نبدأ نشكل نأخذ كريات صغار نبسطهم نشكل كعيكعات صغار في مول الكعيكعات ونشكل حربوش نعمله هلال ونوضعهم في صينية مفروشة بورق الطهي ندخلهم الفرن حتى يستوي ينضج معنا نطفي عليه ونخلي يبرد

نحط ماء الزهر في إناء وملعقة فرينة ونخلطهم مليح ثم نبدأ نحط فالكعكيعات في الماء الزهر نقدر الزايد ونوضعهم في السكر الناعم نرمدهم وونزع الزايد ونعمل رشة من الفوق بالصفاية نتحصل على شكل جميل ونزينهم بورود يبقى اختياري