بسم الله الرحمن الرحیم
اولا نسخن الفرن 🔥
نضع في وعاء 06 حبات بيض 🥚 بدرجة حرارة المطبخ

ونزيد كأس ونص سكر عادي 🍥 مع ملعقة كبيرة فانيلا

ونخلط المكونات مع بعض مليح باليد حتى يذوب سكر

ثم نضيف كأس ونص زيت

ونخلط باليد

ثم نضيف فرينة مغربلة (طحين) بتدريج

ونزيد 02 كيس خميرة حلويات وزن 20 غ

ونبدأ نخلط باليد ونضيف فرينة بتدريج

حتى نتحصل على عجينة طرية

ونغطيها بكيس بلاستيكي

نجيب كورية من العجينة

شكل الطوابع

ونحل العجينة شوية خشينة ونبدأ نطبع بالطابع

ونكمل الباقي بنفس الطريقة ونضعهم في صينية وندخلهم للفرن 🔥 كنت شعلتو من قبل نحمرو من تحت ومن فوق

ونخليهم يبردو مليح

بالنسبة لتحضير شاربات نضع في كسرونة كأس سكر عادي 🍥

مع 02 كيسان ماء

ونخليها حتى تثقال عندما تشوفي دير فقعات كبيرة طفى عليه هنا معناه سيرو ثقيلة

ونخليها تبرد

ويكون بهذا القوام ثقيل (سميك)

بالنسبة لتحضير الطلية نغربل سكر ناعم (سكر قلاصي)

نضع في وعاء نص كأس شاربات تكون ثقيلة

ثم نضع سكر ناعم بتدريج

ونخلط بالملعقة

ونزيد ربع كأس عصير الليمون 🍋 ونص كأس ماء الزهر وملعقة كبيرة زيت لللمعان في كل مرة نضيف سكر ناعم بالتدريج

ونخلط بالملعقة

حتى يثقال مثل ماهو واضح في الصورة

ونجرب حبة الطابع ونغمسها في الطلية على وجه الطابع إذا كانت خفيفة ضيفي سكر ناعم وإذا كانت بزاف ثقيلة ضيفي شوية شاربات

ونزينها بالكوريات صغيرة

على وجه الطابع في الوسط

ونخليها حتى ينشف مليح

طلية لي بقالي نضيفلو ملون بنفسجي مع قليل من الماء زهر ونخلط مليح حتى نتحصل على هذا اللون ونزينها بالكوريات صغيرة

ونخليها تنشف مليح

بعد ما تنشف نجيب سكين 🔪 وننزع زوائد الطلية من الأطراف

ونضعها في صحن تقديم بصحة والعافية

وصحا عيدكم مبارك

وكل عام وانتم بخير 🎉 🎉