الاول الشيئ : نضع في وعاء كاس من حليب دافئ مع ملعقة كبيرة اكل من خل ابيض باش يجيك رابي باش عجينة تنجح معاك وخاصة للمبتدئين

من بعد نزيد نضيفلها ملعقة كبيرة ممسوحة اكل خميرة الخبز 1ملعقة كبيرة اكل من السكر العادي ربع كأس من الزيت العادي و2 ملاعق كبيرة اكل من سميد رطب و ملعقة كبيرة اكل من زعيتر ونخلط كل المقادير جيدا بالفوي اليدوي ونلم العجينة بالفرينة مغربلة ونخليها تتلاصق باش ونزيدلها ملعقة صغيرة اكل من الزبدة طرية ونخدمها جيدا باليد ونعطيها ونخليها ترتاح لمدة نصف ساعة باش مديرش قشر من فوق

من جهة اخرى نحضر الصلصة الجبن🧀: كاس ونصف من حليب بارد ورشة صغيرة من الملح وملعقة أكل كبيرة من النشاء وجبن شاف ونخلط كل المقادير مع بعض بارد في بارد في ونضعها مباشرة فوق النار حتى تعقد ونحيها من فوق النار ونغطيها بيسيلوفان باش مديرش قشر من فوق ونخليها حتى تبرد تماما

من جهة اخرى نحضر الصلصة الطماطم:في كاسورنة كبيرة نضع فيها 4حبات من طماطم حب وملعقة كبيرة أكل من معجون طماطم و4حبات ثوم وربع حبة بصل رند وزعيتزا ملح حرور فلفل احمر مطحون حلو ملعقة كبيرة اكل من زيت العادي ونخليها حتى طيب من بعد نرحيها بالميكسور جيدا حتى يصبح قوامه ثقيل ونخليها حتى تبرد

وأهم شيئ:باش تنجح معاك بيتزا المحلات خاصة للمبتدئين لازم تحمي الفرن نتاع جيدا من بعد جيبي الورق الزبدة ونقسم العجينة إلى قسمين الأول نحلها في ورق الزبدة ومرشوش قليلا بالفرينة باش ميلصقش معاك مين يكون يطيب

ونحلها بالحلال على شكل دائري ونضع صلصة جبن من بعد نزيد صلصة الطماطم ونزيد نضيف لها جبن مبشور وحبات من زيتون اسود و تزيين حسب الحاجة لي عندك موجود في المنزل تقدري ديري بيها وتجيك احلى بيتزا

من لازم عجينة تكون رقيقة باش طيب بالخف وندخلها طيب على النار قاوية لمدة 6دقائق من بعد نخرجها من الفرن ونقطعها بالسكين ونضعها مباشرة في صحن التقديم

لازم تبعي نصائح لي عطيتهالك باش تنجحي فيها حبيبتي وخاصة للمبتدئين