نأخذ إناء نحط فيه الحليب والسكر والزيت والخميرة ولافاني وبياض البيض نخلطهم بالفوي ثم نضيف قرصة ملح والفرينة حتى نتحصل على عجينة طرية ووتتلاصق قليلا ندلكها حوالي 2 دقائق ثم نحطها في إناء ونغطيها ونخليها حوالي 45 دقيقة

تأخذ العجينة نفتحها مستطيلة ثم ندهنها بالزبدة الذائبة والباردة بعدها نطويها على 3 وندهنها بالزبدة ثم نزيد نطويها على 3 ونغطيها بكيس بلاستيكي ونحطها في الثلاجة لمدة 15 دقيقة

تأخذ العجينة نحلها مستطيل كبير ورقيق ثم نقسمو الى 2 وندير في الحاشية شوكولاطة حبيبات ونرولي العجينة على شكل حربوش ونسويه ثم نقسمو حبات ونحطهم في صينية فيها ورق الطهي ونخليهم يخمرو جيدا

تأخذ صفار البيض نضيفلو عطر القهوة أو قهوة وندهن بيه الحبات بعدها ندخلهم الفرن يطيبو من التحت ثم من الفوق على نار هادئة