بسم الله اللهم صل وسلم وبارك علي سيدنا محمد في اناء يكون واسع نضع البيض والزبدة والسكر والحلوة الشامية وفانيلا ونخلط جيدا بالباتور حتى نتحصل على كريمة ليس

من بعد نبدأ نضيف في الفرينة ومغرف النشاء حتى تتلم العجين ونتحصل على عجين املس طري نبسط العجين على طاولة العمل مفرش بكيس بلاستيكي ونشكل الشكل لي حبيناه

انا شكلت قلب وضعت القلوب في سنية بها ورق الطبخ ودخلتها للفرن لتستوي على نار متوسطة لتأخذ لون ذهبي لما استوت خرجتها من الفرن وتركتها تبرد من جهة حضرت كريمة تاعي ف صحن غارق وضعت الزبدة والعسل والحلوة الشامية وكرام ديسار وغبرة شونتي وطلعتهم جيدا بالباتور حتى تحصلت على كريمة ليس وبنتها ولا اروع

حشيت الصابلي تاعي كما موضح الكريمة في الأطراف والوسط وضعت توفيا كرمال غلقت صابلي تاعي وتركتها ترتاح من جهة ذوبت الشوكولا وطليت كل الحبات تع الصابلي وتركتهم نشفو لما نشفو زينتهم بوريدات خدمتهم بعجينة السكر وورق نسيم

جا شكل جميل بسيط وحلو عجبت زبونتي ربي يفرحها ان شاءالله

نعمة دايمة وربي يعطينا الصحة والعافية