نخلط السميد والفرينة والخميرة وقرصة ملح والفانيلا ،ونضيف نص كاس زيت ونخلط جيداً ثم نضيف الماء بارد حوالي نصف كأس المهم يعطينا عجينة مطلوقة شوي.

نخليها ترتاح ربع ساعة ونحلها بالحلال ونطبعها. ثم نقليها بلون أحمر في زيت ليس بالغزير ثم مباشرة نضعها في عسيلة الحانوت الثقييلة..وترشيها بكاوكاو مرحي. وشهية طيبة

#الطريقة الثانية :- وتقدري اديري هذي تاع أم أيمن ريم غير بالماء.. بلا خميرة.... حطي كأسين ماء في آنية+ملعقتين كبار سكر+ملعقتين كبار زيت+م.ص.فانلا+م.ص ممسوحة ملح وحطي كلش على نار مع التحريك حتى يرفد الغلية مليح ويدور ، حطيه فوق البوطاجي وزيدي كأسين فرينة وخلطي مليح وخليه يبرد تماما..

ثم ادهني يديك بزيت وكوريه وحليه فوق نيلو واطبعي بطابع الدمعة كيما الڨاطو وكل مرة حطيه في الزيت واقلي.. والعسيلة كاس يكفيها حطي فيها شوي ماء الزهر فلعسل ورشي بجلجلان.. هذي مليحة ولكن الوصفة الأولى اللتي بشكل اليويو 🍩تبدو أفضل.