بعد بسم الله و الصلاة علىك رسول الله
ناخد القطايف تاعي نحلها مليح بيديا نضيف ليها ملعقتين ماء ورد والسمن او زبدة ذايبة ندخلهم جيدا في قطايف تاعي حتى تتشربهم كامل نشكلها في قوالب طارتولات ونضغط في منتصف حتى بكاس باه نعدل الفراغ وننتحصل على شكل مليح نفرغلها نسقيها بحوالي م ك زبدة زندخلها للفرن حتى تاخد لون أحمر جميل نخرجها نعسلها كل وحدة بحوالي م ك عسل ونخليها تتشرب

نحضر الكريمة تاعي نحط الحليب البيضة السكر الفاني ملعقتين كبيرتين معمرين مليح نشا نخلط بارد في بارد نحطهم على نار قليلة مع تحريك حتى يعقد الخليط كي يعقد نخليه دقيقتين فوق نار ونطفي نديرلها م ك زبدة نخلط ونفرغها في إناء ونغطيها بفيلم غدائي بشكل ملامس للسطح ونخليها تبرد تماما نطلع شونتي مع الماء ونضربهم مع بعض

نوجد الحشو نلم مكسرات بمعجون اي فاكهة راح يتماشا بزاف مع الكريمة او كيما عملت انا سيرو تاع شباح عطاني بنة خرافية نلمهم نعمر بيهم تارت تاعي نحط لكريمة من فوق ونزين كيما نحب وصحة و هنا