صلو على الرسول صلى الله عليه وسلم من فضلكم.

نأخذ كبد الدجاج ونغسلو مليح و نشللو بماء فيه الخل و نخليه يقطر.

ناخذ مقلة تكون كبيرة ندير فيها نص حبة بصل مفروم و الثوم و البهارات و 2مغارف زيت و شويا ملح و نخليهم يتقلاو مليح باه يطلقو البنة😋

نقطع الكبدة مكعبات متوسطين.
و بعد ما يتقلا البصل نرمي الكبدة معاه تتقلا ونبقى نخلط باه متلسقش حتى نشوفها طابت نص طياب هنا نديرلها 2مغارف طماطم وورقة رند نخلط مليح ونفرغلها الماء يكون سخونحتى تتغطى (قيس كاس ونص هكاك)و تقدري تديري معاه زيتون اخضر اذا حابة حسب رغبتك غطي عليه وخليه يتختخ شوي على نار هادية و يتبنن😋.

وفالأخير تقدري تزينيه بالمعدنوس و القارس والحار و شهية طيبة لكم.