في قدر كبيرة وواسعة نضع 4كلغ أرز بسمتي +حوالي25 لتر ماء يكون يغلي +100غ ملح (حوالي 4ملاعق كبار ونذوق الماء ونزيد ملعقتين أو 3ملاعق كبار ملح)+نصف كأس من الزيت + 5أوراق رند (غار) ونخليه يغلي لازم نذوق على الملح ونحركو كل مرة ونراقبه حتى لا يذوب. بعد ميطيب نقطرو في كسكاس ونفرغ فوقه5لتر ماء بارد دون تحريك.(وقبل خلطه بالمكونات لازم يكون بارد تماما)

في برمة أخرى ندير ماء حتى يغلي+مغرف.ك ونصف ملح +3كلغ جزرمقطع مكعبات صغيرة تغلي + 2كلغ جلبانة ونذوق الملح. كيطيب نقطرها ونغسلها ثم نخليها تبرد تماما. ثم نزيدها فوق الأرز ونحضر الفينيڨرات اللي هي👎
💥تحضير الصلصة:
1كلغ ونصف مايوناز + كأسين من الماء +كاس ونص خل + زيت تاع 2علب تون تاع الكلغ +ملح +عصير 3ليمونات ونخلط بالفوي مليح ثم نشرب بيها الماسيدوان ونخليه يتشرب وفي الأخير+,1.5كلغ ماييس+التون اللي نحينالو الزيت ودرناه فالصلصة + 1كلغ مايوناز وإذا تشرب نزيد رطل مثل محمد ونخلط فقصعة باليدين برفق😋

كيتموليها استعملي سارسو أو ديريها في صحينة شكل قلب أو دائرة.. ولكن حطي الصحينة أولا في ساشي صغيرة شفافة واقفليها بخيط عمريها..واقلبيها
💥يمكن دهن الوجه العلوي بملعقة مايونيز ثم ديري خط منكسر بمايوناز ملون(4ملاعق مايونيز+قطعة بيطراف (شمندر) واضربيهم في الخلاط الكهربائي أو فالروبو حتى يعطي لون وردي جد غامق🌺)..
-وتو جد صلصة أخرى:- ماسيدوان اللي أبهرت بيها ضيافي وهي بالصلصة فيها شوي ملح وفلفل أسود ومايوناز ورشة موطارد (خردل) وقليل من حليب كانديا أو ياغورت ناتير او كريمة طازجة... وهي سر لي صال 😋

💥الطريقة2:ماسيدوان بدون جلبانة:
ديري في مكانها 2كلغ من دوائر الزيتون الأخضر (حطيه في ماء بارد بدليه كل 5د...أو غليه) +الجزر فوريه ثم قطعيه + الروز +ماييس+طون
-والصلصة هي عبارة عن : مايوناز+ فرماج فقط👌واضربيهم بالباتوغ.ثم فرغيهم فوق المكونات ماتكونش يابسة.موليها بشكل إجاصة وزيني بخط منكسر أحمر فوق طبقة المايوناز بيضاء ثم 3خطوط بالسكين ليعطي تزيين كيلميلفاي ثم مكعبات البطراف على جانبيها في ألمنيوم مع سلطة وزيني بالزيتون وقطع طماطم فقط💐💐💐
ويمكن إضافة البيض.. أوالكاشير حطيه عند التقديم👍👌👍👌

والمايوناز المنزلي تفاديه في الصيف.. لأنه لازم يقدم فورا.. والأفضل دائما هو خليط المايوناز والفرماج على طريقة sousou
و الصلصة الأولى التابعة للوصفة ممتازة 👌
وفالأخيريمكن تديري مايوناز أبيض داخل ساشي واثقبيه بالكوردون عدة ثقب ثم مشيه خطوط فوق السلطة المشكلة👍.ويمكن تديري صحن أوفال واسع وتديري 3قوالب مسيدوان فالوسط شكل دائري وفي الجوانب قلبين.وتمرني فالورود وتقطيع الخيار... حتى تتقني سلطة الطباخ المحترف فالوسط زينيها ببيضة قصيها على 6قطع لتشكيل وردة فوق السلطةوإذا تحبي نحي الكرمب الموف💜..