نحضر كل المكونات ونبدا على بركة الله، نجيب طاس الميكسور ونفرغ فيه الحليب والسكر والكاكاو بودرة.
ملاحظة مهمة: ✔الكاس اللي عبرت بيه سعته 150 ملل.

نميكسي الكل جيداً ونبدا نضيف بالتدريج كمية الزيت اللي عندي مع مواصلة الخفق، نميكسي جيداً حتى تثقال وتعقاد، نضيف رشة الملح وعطري الشوكولاتة والبندق مدلها ذوق هايل.

نعاود نميكسي حتى تنسجم كل المكونات كي نتحصل على القوام المطلوب نفرغها في علبة زجاجية محكمة الغلق لحين الإستعمال.

في الأول تكون شوية سائلة مين ندخلها للثلاجة تبرد وتحكم روحها تزيد تعقاد كما هو موضح في الفيديو وبالصحة والهنا😋🍫😋