هنا نسيت نصور الخطوة الأولى لاعاودتها نحطهم 😪
هنا كمية لي درتها زوج بول كبار قطعولي 20 كويرة
شخشوخة هاذي مافيها حتى إضافات في العجين ،
إذن نخلط سميد مع بعض مهم يكون رطب وملح ونلم بالماء لازم لعجين يكون يابس شوي خليه في ساشي يريح مدة ساعة
نرجع لعجين نعجن ونقطع ونضيف ماء بالتدريج ونعجن كي طلقت روحها شوي كملت حطيتها في عجانة ونضيف الماء بالتدريج مهم قوام العجين في نهاية يكون ماهوش طري بزاف باه تسهل عليك تحكم فيها وثاني نوعية شخشوخة هذي تطلب هكذا،
نصنع كويرات صغيرة نخليهم يريحو نصف ساعة ،غطيها

نضع كل كويرة في زيت ونركب كل زوج مع بعض هنا زيت هيا لي تخلي الحبات كي يطيبو ينفصلو على بعض ،نفتح عجين الإستعانة بالماء ونحل طيبيها مثل الصورة

كي طيب فرقيها على بعض

هما عاودي لويها وقطعي انا استعملت مقص ،كاين لي يقطعو بيديهم ،تحصلت تقريبا على شكل مربعات